कोरोना अपडेट : २४ घण्टामा ७८ संक्रमित थप, ७२ जना डिस्चार्ज

काठमाडौं । नेपालमा पछिल्लो २४ घण्टामा थप ७८ जनामा कोरोना भाइरसको संक्रमण पुष्टि भएको छ।

मंगलबार स्वास्थ्य तथा जनसंख्या मन्त्रालयले दिएको जानकारीअनुसार पछिल्लो २४ घण्टामा ७८ जनामा कोरोना पुष्टि भएको हो। योसहित नेपालमा कोरोना संक्रमितको कुल संख्या दुई लाख ७४ हजार २९४ पुगेको छ।

त्यस्तै, पछिल्लो २४ घण्टामा ७२ जना निको भएर घर फर्किएका छन्। योसहित कोरोनाबाट निको हुनेको कुल संख्या दुई लाख ७० हजार ५४३ पुगेको छ।

कोरोना सङ्क्रमणका कारण पछिल्लो २४ घण्टामा कसैको पनि ज्यान नगएको मन्त्रालयले जनाएको छ । अहिलेसम्म नेपालमा दुई हजार सात सय ७७ जनाले कोरोना सङ्क्रमणका कारण ज्यान गुमाइसकेका छन् ।