‘द भ्वाइस अफ नेपाल’ चैत ६ गतेबाट प्रशारण हुने

काठमाडौं । सिङगिङ रियालिटी सो ‘द भ्वाइस अफ नेपाल’ चैत ६ गतेबाट प्रशारण हुने भएको छ । ‘द भ्वाइस अफ नेपाल’ सिजन–३ चैत ६ गतेबाट प्रशारण हुन लागेको हो । 

‘द भ्वाइस अफ नेपाल’का निर्देशक लक्ष्मण पौडेलका अनुसार हरेक शुक्रबार र शनिबार राति ८ बजेबाट उक्त सो प्रशारण हुने छ । 
यो पटक कोचमा एकजना परिवर्तन भएको छ । तृष्णा गुरुङलाई दर्शकले यो पटक नयाँ कोचका रुपमा देख्ने छन् । 

आस्था राउतको ठाउँमा गुरुङ प्रवेश गरेकी हुन् । अन्य तीन कोचमा दीप श्रेष्ठ, प्रमोद खरेल र राजु लामा छन् ।