सूर्य भगवानको पूजा कसरी गर्ने ? विधि पनि सिक्नुहोस्

सनातन धर्ममा हरेक दिन वा बार धर्म शास्त्रअनुसार कुनै न कुनै भगवानको पूजा गर्ने गरिन्छ । सूर्यदेवताको पूजा आराधना हरेक दिन गर्ने भए पनि आइतबारको दिन विशेष पूजा गर्नु उपयुक्त हुन्छ । सूर्य देवता पाञ्चायन देवताका एक देवता हुन् । सूर्यलाई विशेष गरी अघ्र्य चढाई पूजा आराधना गर्ने गरिन्छ । सूर्य एक प्रतापी देवता हुन् । यिनलाई ग्रहहरुको मालिक वा स्वामीको रुपमा चित्रण गरिएको छ ।

सम्पूर्ण सौर्य परिवारको मालिक सूर्यदेवलाई खुशी पार्दा तपाईंको शक्ति अत्यन्त बढ्न जाने हुन्छ । आइतबार सूर्य देवतालाई पूजा गर्नाले विशेष गरी समाजमा आदर र सम्मान बढ्न जाने हुन्छ । साथै यस दिन सूर्यको मन्त्रलाई जप गर्नाले कुण्डलीमा भएको सूर्यदोष समाप्त भई तपाईंलाई सफलता प्राप्त हुन्छ । सूर्यको मन्त्र ॐ घृणि सूर्याय नमः हो । सूर्य पूजनको विधि पनि जानिराखौं ।

आइतबारको दिन बिहान छिटै उठेर स्नान सन्ध्या सकेर सूर्योदय भएपछि तपाईंले सूर्यलाई जल मात्र चढाउनु भयो भने सूर्यको सकारात्मक उर्जा तपाईंको शरीरमा प्रवेश गर्छ । यसबाट तपाईंको कुण्डलीमा सूर्यकोे दोष छ भने पनि त्यो नाश हुँदै जान्छ । सूर्य देवलाई मनपर्ने फूल रातो फूल हो । त्यस्तै रातो चन्दन, चामल पनि सूर्यलाई मनपर्छ । यी चीज चढाई सूर्यको सकारात्मक उर्जा प्राप्त गर्न सकिन्छ । त्यस्तै गुड वा गुडबाट बनेको मिठाई पनि सूर्यलाई मनपर्ने वस्तु हो ।

ॐ प्रातस् स्मरामि खलु तत्सवितुर्वरेण्यम् । रूपं हि मण्डलमृचोथ तनुर्यजूंषि ।। सामानि यस्य किरणास् प्रभवादिहेतुम् । ब्रह्माहरात्मक मलक्ष्यमचिन्त्यरूपम् ।।

ॐ खखोल्काय शान्ताय करणत्रयहेतवे । निवेदयामि चात्मानं नमस्ते ज्ञानरूपिणे ।। त्वमेव ब्रह्म परममापो ज्योती रसोत्तम । भूर्भुवस् स्वस्त्वमोङ्कारस् सर्वो रुद्रस् सनातनः ।।

यी मन्त्रको जप र पाठ गर्नाले पनि सूर्यदेवलाई प्रशन्न गर्न सकिन्छ ।