भण्डारीको नेतृत्वमा ‘नेपाल कृषि पत्रकार महासंघ’ गठन

काठमाडौं । कृषि क्षेत्रमा कलम चलाउने पत्रकारहरुको एउटै साझा संस्था बनाउने उदेश्य सहित ‘नेपाल कृषि पत्रकार महासंघ’ गठन भएको छ । देशैभर समान उदेश्य राखि स्थापना भएका कृषिसँग सम्बन्धित संचार संस्थाहरुलाई छाता संगठनमा आवद्ध गर्न नेपाल कृषि पत्रकार महासंघ गठन भएको बताइएको छ ।

नवगठित महासंघको अध्यक्षमा साँढे दुई दशकदेखि पत्रकारितामा क्रियाशील अन्र्तराष्ट्रिय पत्रकार महासंघका सदस्य समेत रहेका पत्रकार बैकुण्ठ भण्डारी, उपाध्यक्षमा सुमन पन्थ, महासचिवमा पवन श्रेष्ठ, सचिव गोपाल आले, कोषाध्यक्ष कमला भट्टराई चयन भएका छन् ।

यस अघि स्थापना भएका नेपाल कृषि पत्रकार प्रतिष्ठान (जोना), कृषि पत्रकार समाज (साज) नेपाल र कृषि संचार समाज एकिकरण गरी महासंघ गठन गरिएको हो । पेशागत अधिकार र श्रमजिवी कृषि पत्रकारको आवाज बुलन्द बनाउँदैं सम्बन्धित निकायसम्म पु¥याउने उदेश्यले स्थापित महासंघको पदाधिकारीको वैठकले कृषि पत्रकारको स्वास्थ सुरक्षालाई लक्षित गरी २५ लाखको कृषि पत्रकार स्वास्थ्य उपचार कोष स्थापना गर्ने निर्णय एवं घोषणा समेत गरेको छ ।

देशैभर समान उदेश्य राखि स्थापना भएका कृषिसंग सम्बन्धित संचार संस्थाहरुलाई छाता संगठनमा आवद्धताका लागि समेत महासंघको पहिलो वैठकले आव्हान गरेको छ ।

बिहीबार बसेको वैठकले कृषि पत्रकार स्व. गोविन्द प्रसाद घिमिरेको नाममा गोविन्द शर्मा स्मृति कृषि पत्रकारिता पुरस्कार स्थापना गरी सो पुरस्कार महासंघ स्थापना दिवसको अवसर पारी हरेक वर्ष कृषि क्षेत्रमा कलम चलाउने उत्कृष्ट पत्रकारलाई सम्मान गर्ने जनाएको छ । साथै महासंघले सातै प्रदेशमा छरिएर रहेका कृषि पत्रकारहरुलाई संगठित गरी महासंघको सातै प्रदेश शाखा विस्तार गरेको छ ।