सोमबार सुनचाँदीको मूल्यमा सामान्य गिरावट

काठमाडौं । सोमबार नेपाली बजारमा सुनचाँदीको मूल्यमा सामान्य गिरावट आएको छ । आइतबार ८७ हजार २ सयमा कारोबार भएको सुनको मूल्यमा आज दुई सयले गिरावट आएर प्रतितोला ८७ हजारमा कारोबार भइरहेको नेपाल सुनचाँदी व्यवसायी महासंघले जनाएको छ ।

आज तेजावी सुनको मूल्य ८६ हजार ५ सय ५० कायम रहेको छ ।

त्यस्तै, सोमबार चाँदीको मूल्य पनि ओरालो लागेको छ । आइतबार एक हजार दुई सय ८० रुपैयाँमा कारोबार भएको चाँदीको मूल्यमा सोमबार २० रुपैयाँले घटेर प्रतितोला एक हजार दुई सय ६० रुपैयाँमा कारोबार भइरहेको महासंघले जनाएको छ ।