२४ घण्टामा देशभर ३४ आगलागीका घटना

काठमाडौं। पछिल्लो २४ घण्टामा देशका ३४ स्थानमा ठूला आगलागीका घटना भएका छन्। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार शनिबार देशभर भएका आगलागीका घटनामा दुई जनाको मृत्यु भएको छ भने दुई जना घाइते भएका छन्।

शनिबारको आगलागीबाट देशभर ९८ लाख ४७ हजार ६०० रुपैयाँबराबरको क्षति भएको प्राधिकरणले जनाएको छ। ती घटनामा आठ चौपाया मरेका छन्।