माओवादी केन्द्रबाट निर्वाचित चार मन्त्रीको सांसद पद आजदेखि समाप्त

काठमाडौं । नेकपा माओवादी केन्द्रबाट निर्वाचित भई नेपाल सरकारमा रहेका चार मन्त्रीको सांसद पद आजदेखि समाप्त हुने भएकाे छ ।

नेकपा (माओवादी केन्द्र)बाट निर्वाचित भएर मन्त्री बन्न नेकपा (एमाले)तर्फ लागेका भन्दै नेकपा माओवादी केन्द्रले कारबाही गर्ने भएकाेले उनीहरुकाे सांसद पद आजदेखि समाप्त हुने भएकाे हाे ।

माओवादी केन्द्रबाट निर्वाचित भएका सांसदहरु टोपबहादुर रायमाझी, प्रभु साह, लेखराज भट्ट तथा गौरीशंकर चौधरी सर्वोच्च अदालतको आदेशबाट पार्टी एकता भंग भएपछि मन्त्री बन्नकै लागि प्रधानमन्त्री केपी शर्मा ओलीतर्फ लागेका थिए ।

त्यसबाट रुष्ट नेकपा माओवादी केन्द्रले उनीहरुलाई कारबाही गर्ने भएकाे हाे ।

संसदीय दलले संसद सचिवालयमा उनीहरुकाे सांसद पद खारेज गर्न माग गरी सदनमा सभामुखले पढेपछि उनीहरुको पद रिक्त रहने कानुनी व्यवस्था छ ।