शुक्रबार, जेठ ३, २०८२

जन्ती बोकेको जिप दुर्घटना हुँदा बेहुला घाइते, एककाे मृत्यु

नेपालखोज २०७८ वैशाख १४ गते १:२०

बैतडी । दशरथचन्द राजमार्गअन्तर्गत बैतडीको पाटन नगरपालिका– ६  हिरापुरमा आज जन्ती बोकेको जिप दुर्घटना हुँदा बेहुला घाइते, एक जनाको मृत्यु भएको छ ।

दुर्घटनामा परी ११ जना घाइते भएकामा दुई जनाको अवस्था गम्भीर रहेको छ । मृत्यु हुनेमा बैतडीको दशरथचन्द नगरपालिका–९ का ५५ वर्षीय  देवीलाल जोशी रहेका बैतडीका प्रहरी प्रवक्ता किशोर सिंह ऐरीले जानकारी दिए ।  

यस्तै, दुर्घटनामा परी जिपका चालक दशरथचन्द नगरपालिका–९ का २५ वर्षीय तारन जोशी  र सोही ठाउँका ३७ वर्षीय शिवदत्त जोशी गम्भीर घाइते भएका प्रहरीले जनाएको छ । उनीहरू दुवै जनाको डडेल्धुरा अस्पतालमा उपचार भइरहेको छ । दुलहादुलहीसहित अन्य घाइतेको पाटन प्राथमिक स्वास्थ्य केन्द्रमा उपचार भइरहेको छ ।

कञ्चनपुरको महेन्द्रनगरबाट जन्ती बोकेर बैतडीको ग्वाल्लेकतर्फ आउँदै गरेको सुपप्र  ०१–००१ ज ३७७ नंको जिप आज साढे ५ बजेतिर  दरशथचन्द राजमार्गअन्तर्गत बैतडीको हिरापुरमा दुर्घटनामा परेको हो । दुर्घटनाका कारण खुल्न सकेको छैन । घटनाको थप अनुसन्धान भइरहेको जिल्ला प्रहरी कार्यालय बैतडीले जनाएको छ । रासस

प्रतिक्रिया