सांसद विकास कोषको पैसाले सुर्खेतमा कोरोना नियन्त्रण सामग्री

सुर्खेत । सांसद विकास कोष (पूर्वाधार कार्यक्रम) अन्तर्गत रहेको १८ लाख रुपैयाँमा औषधि, ग्यास सिलिण्डर खरिद गर्नमा खर्च गरिने भएको छ। पूर्वमन्त्री शक्तिबहादुर बस्नेतले भेरी नगरपालिकाले कार्यान्वयन गर्ने गरी मङ्गलबार नै १८ लाख रुपैयाँको कार्यादेश पठाएका हुुन् ।

उक्त रकमबाट ४० वटा सिलिण्डर, औषधि र अन्य स्वास्थ्य उपकरण पूर्वमन्त्री बस्नेतले पठाएको भेरी नगरपालिकाका निमित्त प्रमुख प्रशासकीय अधिकृत दलबहादुर घर्तीले जानकारी दिए । ती सिलिण्डर सुर्खेतमा तयारी अवस्थामा राख्ने र आवश्यकतानुसार अक्सिजन आपूर्तिमा परिचालन गर्नेे अधिकृत घर्तीले बताएका छन् ।

कोरोनाका कारण ठूलो सङ्ख्यामा स्थानीयवासी बिरामी भई अक्सिजन नपाएर हैरान भएका बेला पूर्वमन्त्री बस्नेतको यो निर्णयले आफूहरु खुशी भएको घर्तीले बताएका छन् ।