एमालेको स्थायी कमिटी बैठक बस्दै, प्रधानमन्त्रीले ब्रिफिङ गर्ने

काठमाडौं । नेकपा एमालेको स्थायी कमिटी बैठक बस्दै छ ।

राष्ट्रपतिले फेरि संसद् विघटन गरी मध्यावधि चुनाव घोषणा गरेपछि त्यसबारे छलफल गर्न बैठक बस्न लागको हो ।

बैठक अपराह्न चार बजे बालुवाटारस्थित प्रधानमन्त्रीको सरकारी निवासमा बस्ने कार्यलय सचिव शेरबहादुर तामाङले जानकारी दिए ।

प्रधानमन्त्री एवं एमाले अध्यक्ष केपी शर्मा ओलीले बैठकमा पछिल्लो राजनीतिक अवस्थाबारे ब्रिफिङ गर्ने जनाइएको छ ।

सरकारको पछिल्लो कदमको विरोधमा एमालेकै माधव नेपाल पक्षसहित विपक्षी गठबन्धनका दलहरुले बैठक पनि बसिरहेको छ ।