राष्ट्रपतिबाट अध्यादेश जारी भएपछि अर्थमन्त्रीले दिउँसो ४ बजे बजेट सार्वजनिक गर्ने

काठमाडौं । सरकारले आगामी आर्थिक वर्ष २०७८-७९ को बजेट आज दिउँसो ४ बजे सार्वजनिक गर्ने तयारी गरेको छ ।

संसद विघटन भए पनि १५ जेठमा बजेट ल्याउनै पर्ने संवैधानिक बाध्यता रहेका कारण सरकारले अध्यादेशबाट बजेट ल्याउन लागेको हो ।

राष्ट्रपति विद्यादेवी भण्डारीबाट अध्यादेश जारी भएपछि अर्थमन्त्री विष्णु प्रसाद पौडेलले बजेट सार्वजनिक गर्ने तयारी छ । बजेट प्रधानमन्त्री कार्यालयबाट सार्वजनिक हुने बताइएको छ ।

यसबारे प्रधानमन्त्री केपी शर्मा ओलीले केहिदिन अघि पत्रकार सम्मेलनमा जानकारी गराएका थिए ।