बजेट अध्यादेश सिफारिस गर्न मन्त्रिपरिषद बस्दै

काठमाडौं । बजेट अध्यादेश सिफारिस गर्नका लागि मन्त्रिपरिषद बैठक बस्दैछ ।

प्रधानमन्त्री केपी शर्मा ओलीले बिहान ११ बजेका लागि मन्त्रिपरिषद बैठक बोलाएका हुन् ।

बजेटका सबै दस्ताबेजलाई गए राति अन्तिम रूप दिएर आज बिहान मन्त्रिपरिषद् बैठकमा पेस गरिँदै छ ।

मन्त्रिपरिषद् बैठकले अध्यादेशका रूपमा बजेट ल्याउन राष्ट्रपतिलाई सिफारिस गर्नेछ । राष्ट्रपतिले प्रमाणीकरण गरिसकेपछि आजै दिउँसो ४ बजे अर्थमन्त्री विष्णु पौडेलले बजेट भाषण गर्ने छन् ।

जेठ १५ मै बजेट ल्याउनुपर्ने संवैधानिक व्यवस्था भएकाले अध्यादेशबाट बजेट ल्याउन लागिएको सरकारको भनाइ छ ।