फिफा विश्वकप तथा एसियन कप छनोट खेल्न गएको नेपाली टोली आज स्वदेश फर्किंदै

काठमाडौं । फिफा विश्वकप २०२२ तथा एसियन कप २०२३ को छनोट खेल्नका लागि कुवेत गएको नेपाली टिम आज स्वदेश आइपुग्ने भएको छ ।

कोरोना महामारीका कारण कुवेतमा आयोजना गरेको प्रतियोगितामा नेपालले खेलेका तीन खेलमध्ये एकमा जित निकाल्दा दुई खेलमा हार व्यहोरेको थियो । चाइनिज ताइपेईलाई २-० गोल अन्तरले पराजित गरेको नेपालले जोर्डन र अस्ट्रेलियासँग समान ३-० गोलको हार व्यहोरेको थियो ।

२३ खेलाडी र १२ अफिसियलसहित गएको नेपाली टोली कुवेतबाट हिजो (शनिबार) राति नै प्रस्थान गरेको थियो । त्यहाँबाट कतारको दोहा हुँदै नेपाली टोली आज बेलुकी काठमाडौं आइपुग्नेछ ।