सुनकाे मूल्य घट्याे, चाँदीकाे भाउ कति ?

काठमाडौं । नेपाली बजारमा आज (बिहीबार) सुनको भाउ घटेको छ भने चाँदीको भाउ स्थिर रहेको छ । सुन आज दुई सय रुपैयाँले घटेको हो ।

छापावाल सुन आज प्रतितोला ९० हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

अघिल्लो दिन छापावाल सुन तोलाको ९० हजार ७ सय रुपैयाँमा कारोबार भएको थियो । त्यस्तै महासंघका अनुसार आज तेजाबी सुनको मूल्य ९० हजार रुपैयाँ कायम भएको छ ।

त्यसैगरी चाँदीको मूल्य आज स्थिर रहेको छ । चाँदी आज तोलाको १२ सय ९५ रुपैयाँमा नै कारोबार भइरहेको महासंघले जनाएको छ । बुधबार चाँदी १२ सय ९५ रुपैयाँमा कारोबार भएको थियो ।