नबिल बैंक : बलियोमध्ये सबैभन्दा बलियो

प्रतिकूल अवस्थामा पनि दुई खर्ब निक्षेप, खुद मुनाफा तीन अर्ब ६७ करोड, शून्य दशमलव ४८ प्रतिशत कर्जा मात्र निष्क्रिय

काठमाडौं । नेपाली बैंकिङ क्षेत्रमा हाल २७ वटा वाणिज्य बैंकहरूले वित्तीय कारोबार सञ्चालन गर्दै आएका छन् । तीमध्ये पनि सरकारी स्वामित्वका तीनवटा बैंक छन् । निजी क्षेत्रद्वारा सञ्चालित बैंकहरूको संख्या २४ वटा छ । तर यी सबै बैंकहरूको भिडमा नबिल बैंक बलियोमध्येको सबैभन्दा बलियो बैंक हो ।

निक्षेप तथा कर्जा प्रवाह, खुद मुनाफा, निष्क्रिय कर्जा एवं अन्य वित्तीय परिसूचकहरूमा नबिल बैंकले तीनवटा सरकारी बैंकसहित सबै किसिमका निजी बैंकहरूलाई निकै नै पछाडि पारेको छ । सबैजसो आर्थिक वर्षहरूमा नबिल बैंकको नाफा एवं वित्तीय परिसूचकहरू निकै नै सबल देखिने गरेका छन् । नेपाली बैंकिङ क्षेत्रमा क्षेत्रमा सन् १९८४ देखि वित्तीय कारोबार सञ्चालन गरेको नबिल आजको दिनसम्म आइपुुग्दा अगुवा बैंकका रूपमा आफ्नो परिचय स्थापित गरिसकेको छ । चौधरी समूहको प्रमुुख सेयर लगानी रहेको नबिलले अहिले देशभर एक सय १९ वटा शाखा र एक सय ८५ वटा एटीएम काउन्टरमार्फत वित्तीय सेवा उपलब्ध गराउँदै आएको छ । स्थापनाकालदेखि नै कुशल व्यवस्थापकीय क्षमताका कारण उच्चतम् प्रतिफल वितरण गर्दै आएको बैंकको सञ्चालक एवं व्यवस्थापनप्रति बैंकका आम सेयरधनी, लगानीकर्ता, कर्मचारीहरू, ग्राहक सबै नै खुसी छन् । नियमनकारी निकाय नेपाल राष्ट्र बैंकको ऐन, कानुुन र परिधिभित्र रहेर वित्तीय कारोबार सञ्चालन गर्दै आएको बैंकको कुुशल व्यवस्थापकीय क्षमताका कारण नै बैंकले यो व्यावसायिक उचाइ हासिल गरेको हो ।

यो उचाइ हासिल गर्न सिंगो नबिल बैंक परिवारको निकै नै ठूलो त्याग र मिहिनेत छ । यही मिहिनेतका कारण नबिल बलियोमध्येको सबैभन्दा बलियो वाणिज्य बैंक बन्न सफल भएको हो । अहिले यो बैंकको सञ्चालक समितिको अध्यक्षका रूपमा उपेन्द्र पौडेल छन् । व्यवस्थापन प्रमुखका रूपमा प्रमुख कार्यकारी अधिकृत अनिलकेशरी शाह छन् ।

यो समूहको कुुशल व्यवस्थापकीय क्षमता र उत्कृष्ट कार्यशैलीले बैंकले कोभिड–१९ को विश्व महामारीबाट सिर्जित असहज परिस्थितिमा पनि आफ्ना सबै वित्तीय परिसूचकहरूलाई सबल राख्न सफल भएको छ । चालु आर्थिक वर्षको पहिलो त्रैमासमा १० अर्ब चुक्ता पुँजी, एक खर्ब ९६ अर्ब रुपैयाँ निक्षेप, एक खर्ब ५७ अर्ब रुपैयाँ कर्जा, एक अर्ब तीन करोड ५७ लाख रुपैयाँ खुद मुनाफा र शून्य दशमलव ६५ प्रतिशत मात्र निष्क्रिय कर्जा रहेको नबिलले चालु आवको तेस्रो त्रैमाससम्म आइपुुग्दा आफ्नो वित्तीय अवस्थालाई अझ सबल बनाएको छ ।

चालुु आवको तेस्रो त्रैमासमा १३ अर्ब ४८ करोड रुपैयाँ चुक्ता पुँजी कायम गरेको नबिलले यस अवधिमा दुई खर्ब आठ अर्ब ३३ करोड रुपैयाँ निक्षेप संकलन गरेको छ । एक खर्ब ८६ अर्ब १९ करोड रुपैयाँ कर्जा प्रवाह गरेको छ । यस अवधिमा तीन अर्ब ६७ करोड ९८ लाख रुपैयाँ खुद मुनाफा कमाएको बैंकमा शून्य दशमलव ४८ प्रतिशत कर्जा मात्र निष्क्रिय छ ।

बैंकको यो अवस्था भनेको वाणिज्य बैंकहरूको मध्येकै सबैभन्दा अब्बल अवस्था हो । बैकले प्रतिकूल अवस्थामा पनि आर्जन गरेको यो व्यावसायिक सफलताले आगामी समय पनि उच्चतम् प्रतिफल पाउनेमा नबिल बैंकका लगानीकर्ताहरू ढुक्क छन् ।

यस्तो छ चालुु आवको तीनवटा त्रैमासमा नबिल बैैंकको वित्तीय अवस्था (रकम रु. हजारमा, निष्क्रिय कर्जा प्रतिशतमा)

विवरण	चुक्ता पुँजी	निक्षेप	कर्जा	खुद मुनाफा	निष्क्रिय कर्जा
पहिलो त्रैमास	१००९७४९७	१९६१५१८७१	१५७१९६०२४	१०३५७१२	०.६५
दोस्रो त्रैमास	१३४८०१५९	२००१४९४२९	१७०५२१६४४	२०१६०२३	०.६०
तेस्रो त्रैमास	१३४८०१५९	२०८३३३८१८	१८६१९३१९८	३६७९८७०	०.४८