मतदाता नामावली संकलन तथा अद्यावधिक गर्दै निर्वाचन आयोग

काठमाडौं । निर्वाचन आयोगले आज (आइतबार) देखि मतदाता नामावली संकलन तथा अद्यावधिक गर्ने भएको छ ।

आयोगका प्रवक्ता राजकुमार श्रेष्ठले आजदेखि सबै जिल्ला निर्वाचन कार्यालयमा मतदाताको नामावली संकलन तथा अद्यावधिक गरिने जानकारी दिएका छन् ।

आयोगको शुक्रबार बसेको बैठकले साउन ३ गतेदेखि सबै निर्वाचन कार्यालयबाट मतदाता नामावली संकलन तथा अद्यावधिक गर्ने निर्णय गरेको थियो ।

प्रतिनिधिसभा जेठ ८ गते विघटन भई निर्वाचनको मिति घोषणा भएका कारण स्थगन गरिएकामा सर्वोच्च अदालतको आदेशमा पुनःस्थापनासँगै मतादाता नामावली संकलन तथा अद्यावधिक सुरु गरिने भएको हो ।