फुट्यो एमाले, माधव नेपालले दर्ता गराए नेकपा एमाले (समाजवादी)

काठमाडौं । नेकपा एमाले आजदेखि औपचारिक रुपमा फुटेको छ । माधवकुमार नेपाल समूहले आज निर्वाचन आयोगमा पुगेर नेकपा एमाले (समाजवादी) नामको पार्टी दर्ता गराएको छ ।

माधवकुमार नेपालसहितका नेताहरु निर्वाचन आयोग पुगेर दल दर्ताको निवेदन दिएका छन् ।

यसअघि नेपालसहितका नेताहरुको बैठक नयाँ बानेश्वरको एक होटेलमा बसेको थियो । बैठकले पार्टीको नाम नेकपा एमाले (समाजवादी) राख्ने निर्णय गरेको थियो ।