बाढीपहिरोबाट १० जनाको मृत्यु,४ बेपत्ता

काठमाडौं । पछिल्लो तीन दिनमा बाढीपहिरोबाट देशका बिभिन्न जिल्लामा थप १० जनाको मृत्यु भएको छ ।

चार जना बेपत्ता भएका छन्। मृत्यु हुनेमा नवलपरासी पूर्वमा तीन, पश्चिममा दुई, रूपन्देही, कैलाली, दाङ, उदयपुर र ललितपुरमा एक।एक जना रहेका छन् ।

यस्तै बेपत्ता हुनेमा नवलपरासी पश्चिम, रूपन्देही, कैलाली र ललितपुरमा एक।एक जना रहेका छन्।

मृत्यु हुनेमा पाँच पुरूष र पाँच महिला तथा बालिका रहेको प्रहरीले जनाएको छ ।

हराएकाहरुको खोजी कार्य भैरहेको बताइएको छ ।

बाढीपहिरो र डुबानका कारण देशका बिभिन्न ठाउँमा सडक, घरहरू भत्किएका छन् भने तराईका जिल्लामा सयौं घरहरू डुबानमा परेका छन् ।