एमालेका १० सांसदले एकीकृत समाजवादी राेजे

काठमाडाैं । प्रदेश २ मा नेकपा एमालेका १० जना सांसदले नेकपा एकीकृत समाजवादी रोजेका छन् ।

एकीकृत समाजवादी रोज्ने सांसदहरुमा शत्रुधन महतो, गोविन्दबहादुर न्यौपाने, प्रमोद यादव, अशोककुमार यादव, मञ्जुकुमारी यादव, बेची लुंगेली, रवीन्द्र बैठा, नागेन्द्र राय यादव, हसिमा खातुन र मनोज सेन श्रीवास्तव रहेका छन् ।

उनीहरु बिहीबार (आज) प्रदेश निर्वाचन कार्यालय जनकपुरधाममा गएर एकीकृत समाजवादी दल रोजेको जानकारी गराएका हुन् ।

सांसद दिल्ली उप्रेतीकाे दूतावासमार्फत् सनाखत गराउने जनाइएकाे छ । उप्रेती अहिले भारतको दिल्लीमा रहेका छन् ।

यता, सांसद सुन्दरबहादुर विश्वकर्मा र सीता गुरुङ खराब मौसमका कारण आज आउन नसकेको र अर्को दिन आएर सनाखत गर्ने बताइएकाे छ ।

प्रदेश २ मा नेकपा एमालेका २१ जना सांसद छन् । त्यसमध्ये १३ जना शुरुदेखि नै माधव नेपाल पक्षमा देखिँदै आएका छन् ।