एमाले स्थायी कमिटी बैठक बस्दै

काठमाडौं । नेकपा एमाले स्थायी कमिटी बैठक आज (सोमबार) बस्दै छ । बैठक दिउँसो १ बजे बस्ने बताइएको छ ।

आइतबार (हिजो) बसेको बैठकमा स्थायी कमिटी सदस्यहरूलाई आउँदो विधान महाधिवेशनसँग सम्बन्धित पार्टीको सांगठनिक, राजनीतिकलगायत दस्तावेज बाँडिएको थियो ।

दस्तावेज र विधान महाधिवेशनका सन्दर्भमा हिजो सुझाव दिन बाँकी सदस्यहरूले आज सुझाव दिएपछि त्यसलाई पारित गरिने बताइएको छ ।

यही असोज १५ देखि १७ गतेसम्म एमालेको विधान महाधिवेशन हुँदै छ ।