एमालेको अवरोधकाबीच प्रतिनिधि सभा बैठक सुरु

काठमाडौं । प्रमुख प्रतिपक्षी दल नेकपा(एमाले)को अवरोधका बीच सभामुख अग्निप्रसाद सापकोटाले प्रतिनिधि सभा बैठकको कार्यसूची अगाडि बढाएका छन् ।

सोमवार (आज)को प्रतिनिधि सभा बैठकमा पनि प्रमुख प्रतिपक्षी दल नेकपा(एमाले)का सांसदहरुले नाराबाजीसहित विरोध गरिरहेपनि सभामुख सापकोटाले प्रतिनिधि सभा बैठक अगाडी बढाएका हुन् ।

आजको प्रतिनिधि सभा बैठकमा विनियोजन विधेयक, २०७८ लाई पारित गर्ने प्रस्ताव रहेको छ । अहिले बिनियोजन बिधेयकमा बिरोधको सूचना दिनुहुने सांसद प्रेम सुवाल बोलिरहेका छन् ।