पहिरोका कारण पृथ्वी राजमार्ग अवरुद्ध

काठमाडौं । पहिरोका कारण पृथ्वी राजमार्ग अवरुद्ध भएको छ । चितवनको इच्छाकामना– ४ घोप्टेभिरमा पहिरो खस्दा सडक अवरुद्ध भएको हो ।

गए रातिदेखि नै पहिरो खसेपछि राजमार्ग पूर्णरूपमा अवरुद्ध भएको जिल्ला प्रहरी कार्यालयले जनाएको छ ।

बिहानैबाट पहिरो पन्छाउने काम सुरु गरिएपनि ठूलो पहिरो खसेका कारण पन्छाउन समय लाग्ने प्रहरीले बताएको छ । पहिराेले गर्दा दर्जनौ सवारी साधन बीच बाटोमै रोकिएका छन् ।