मन्त्रिपरिषद् बैठक बस्दै, संसद् अधिवेशन अन्त्यको तयारी

काठमाडौं । मन्त्रिपरिषद् बैठक आज बस्दै छ । बैठकले संसद् अधिवेश अन्त्यका लागि राष्ट्रपति समक्ष सिफारिस गर्न सक्ने सत्तासाझेदार दलका एक नेताले बताए । बैठक साँझ ४ बजे सिंहदरबारमा बस्नेछ ।

आइतबार बसेको गठबन्धनको बैठकमा संसद् अधिवेशन स्थगित गरेर राजनीतिक दलसम्बन्धी अध्यादेश निष्कृय बनाउने र मन्त्रिपरिषद् विस्तार गर्ने सहमती भएको थियो ।

सोही सहमति बमोजिम सरकारले संसद्को चालु अधिवेश अन्त्यका लागि सिफारिस गर्ने तयारी गरेको हो ।

संसद्ले बजेटसम्बन्धी विधेयकको काम टुंग्याएसँगै अधिवेशन पनि अन्त्य गर्न सकिने गठबन्धनको बुझाइ छ ।