फ्रान्ससँग ग्रीसले ८ वटा युद्धपोत खरिद गर्ने

काठमाडौं । नयाँ सुरक्षा सम्झौता अनुसार ग्रिसले फ्रान्ससँग ६ देखि ८ वटा आधुनिक युद्धपोत खरिद गर्ने भएको छ । यो सँगै फ्रान्सले ग्रिसलाई प्रतिरक्षा प्रणालीमा पनि सहयोग गर्ने समाचार एजेन्सीहरूले जनाएका छन् ।

युरोपेली मुलुकहरू फ्रान्स र ग्रिस रणनीतिक सुरक्षा साझेदारी गर्न तयार छन् । फ्रान्सको राजधानी पेरिसस्थीत राष्ट्रपति भवनमा आयोजित संयुक्त पत्रकार सम्लेलनमार्फत दुई देशका शिर्ष नेताहरूले यसबारे जानकारी गराएका थिए ।

दुई देशबिचको सम्झौतालाई ग्रिसका प्रधानमन्त्री क्रियाकोस मित्सोताकिसले युरापेली रक्षा स्वाधिनताको बाटोमा पहिलो पाइलाको संज्ञा दिए ।

फ्रान्सले आगामि ५ वर्षभित्र यी युद्धपोतहरु ग्रिसलाई उपलब्ध गराउनेछ । अमेरिका, अष्टे«लिया र बेलायतबिचको त्रिपक्षीय अकस सुरक्षा सम्झौताबाट रुष्ट फ्रान्सले ग्रिससँग नयाँ सम्झौता गर्दै यसको जवाफ दिएको हो ।

फ्रान्सले यसअघि नैं विश्वमा सैन्य साझेदारीमा बदलाब आउनसक्ने र पुराना गठबन्धनबिच असन्तुलन पैदा हुनसक्ने चेतावनी दिएको थियो ।