एमालेको नयाँ लोगो र एप सार्वजनिक, नयाँ सदस्यता एपमार्फत लिन सकिने

काठमाडौं । नेकपा एमालेले पार्टीको नयाँ लोगो र एप सार्वजनिक गरेको छ । ललितपुरको गोदावरीमा भएको विधान महाधिवेशन अन्तर्गत आइतबार अध्यक्ष केपी शर्मा ओलीले लोगो र एप सार्वजनिक गरेका हुन् ।

एमालेको नयाँ लोगोको बीचमा सूर्य चिन्हको बीचमा हँसिया हथौडा छ । यसअघि सूर्य चिन्हको बीचमा सीपीएन यूएमएल लेखेर हँसिया हथौडा राखिएको थियो ।

एमालेले सबै कार्यकर्तालाई एउटै सञ्जालमा जोड्न मद्दत गर्ने हेतुले एप सार्वजनिक गरेको हो । कार्यालय सचिव शेरबहादुर तामाङका अनुसार नयाँ सदस्यता एपमार्फत लिन सकिनेछ ।