हास्यकलाकार मनोज गजुरेल वैवाहिक बन्धनमा बाँधिए

काठमाडाैं । चर्चित हास्यकलाकार मनोज गजुरेल वैवाहिक जीवनमा बाँधिएका छन् । उनले न्याय सेवाकी अधिकृत मञ्जु पोखरेलसँग सोमबार विवाह गरेका हुन् । उनले सामाजिक सञ्जाल फेसबुकमार्फत आफूहरूले विवाह गरेको जानकारी गराएका छन् ।

उनले आज बिहान डोलेश्वर महादेवको मन्दिरमा विवाह गरेको बताएका छन् । उनले लेखेका छन्, ‘एकैखालको परिवेश र उस्तै खालको भोगाइबाट गुज्रिएका हामी अन्ततः सहयात्रा गर्ने निर्णयमा पुग्यौँ ।’

यस्तै, उनले आफ्नो निजी जीवनबारे कपोकल्पित समाचार नबनाउन पनि आग्रह गरेका छन् ।