शुक्रबार, चैत १६, २०८०

चुर्रा अर्थात् चेरापुन्जी !

पुलहरू सामान्यतः सयौं वर्षदेखिका छन् । जरे पुललाई वैज्ञानिकहरूले बायो इन्जिनियरिङको एउटा उपलब्धिका रूपमा लिने गरेका छन् ।

नेपालखोज २०७८ असोज २९ गते १३:१२

चेरापुन्जी । चेरापुन्जी विश्वमा सबैभन्दा धेरै पानी पर्ने ठाउँ हो । यो पछिल्लो समय एक प्रसिद्ध विश्व पर्यटकीय स्थल भएको छ । समुद्र सतहबाट १४ सय ८४ मिटर औसत उचाइमा रहेको यस स्थान आसपासका बासिन्दाले प्रायः वर्षैभरि हातमा छाता बोकेर हिँड्नुपर्छ । यो भारतको दक्षिणपूर्वी मेघालय राज्य खासी हिल्सको दक्षिणी भागमा अवस्थित छ ।

वर्षैभरि वर्षा हुने यो ठाउँमा ६ महिनाभन्दा बढी समय पानी पर्छ । तर, विगतका वर्षहरूको तुलनामा आजभोलि अलि कम वर्षा भएको बताउँछिन् सिलङमा बस्दै आएकी रोमा पौडेल (भट्टराई) । क्षणक्षणमा बदलिने मौसम र मनमोहक दृश्यहरू यहाँका आकर्षक पक्ष भएको उनको अनुभव छ ।

यस ठाउँमा वर्षाको बेला एकै क्षणमा घाम देखिन्छ त, केही बेरपछि कुहिरो, फेरि वर्षा हुन्छ । परिवर्तन भइरहने मौसममा रमाउनका लागि देश–विदेशबाट मानिसहरू यहाँ पुग्ने गर्छन् । नजिकमा बंगलादेशको समथर भू–भाग पर्छ । दक्षिण–पश्चिम र पूर्वोत्तर मनसुनी हावा दुईतिरबाट बहने गर्नाले लामो मनसुन हुन्छ । यस क्षेत्रमा हावा पनि जोडले चल्छ । जाडो समयमा पूर्वोत्तर र ब्रह्मपुत्र घाँटीबाट मनसुनी हावा आउनाले वर्षा धेरै नैं हुने गर्छ । गर्मीमा भने बंगालको खाडीबाट आउने मनसुनले वर्षा हुने गर्छ । चेरापुन्जीमा औसत ११ हजार ७ सय ७७ मिलिमिटर वर्षा हुन्छ ।

चेरापुन्जी विश्वकै दोस्रो ओसिलो ठाउँ पनि हो । यस ठाउँ सुन्तला रंगको निकुञ्ज क्षेत्र, सुन्तला स्वादको मह र चुनढुंगाको गुफाका लागि पनि चिनिन्छ । यो ठाउँ भारतको उत्तरपूर्वी राज्य मेघालयको राजधानी सिलङबाट ५६ किलोमिटर दूरीमा पर्छ । यो समुद्र सतहबाट ४ हजार ५ सय फिटको उचाइमा छ । गिनिजबुक अफ वर्ल्ड रेकर्डमा पनि यो ठाउँ विश्वको सबैभन्दा ओसिलो भनेर लेखिएको छ । यहाँ वर्षा मिलिमिटरमा नभई फिटमा नाप्ने गरिन्छ । सयौं मनमोहक झर्ना भएको यस ठाउँमा विश्वकै चौथो अग्लो स्थानमा रहेको आकर्षक झर्ना पनि छ ।

Cherrapunji Tourism | Cherrapunji Tourist Places | Cherrapunji Travel Guide  | Cherrapunji Weather | Cherrapunji Photos | Travel.India.com

चेरापुन्जीको एकमात्र फरक आकर्षण भनेको जीवित रूखका जराबाट बनेका पुलहरू हुन् । यस्तो खालको पुल बनाउन १० देखि १५ वर्ष लाग्ने गर्छ । पुलहरू सामान्यतः सयौं वर्षदेखिका छन् । जरे पुललाई वैज्ञानिकहरूले बायो इन्जिनियरिङको एउटा उपलब्धिका रूपमा लिने गरेका छन् । दुईतले रुट ब्रिज जीवित रूखको जराबाट वैज्ञानिक किसिमले बनाइएको छ । सय फिट लामो यस पुलबाट एकपटकमा ५० जना मान्छे ओहोरदोहोर गर्न सक्छन् ।

दुईतले रुट ब्रिज जीवित रूखको जराबाट वैज्ञानिक किसिमले बनाइएको छ । सय फिट लामो यस पुलबाट एक पटकमा ५० जना मान्छे ओहोरदोहोर गर्न सक्छन् ।

चेरापुन्जीको पहिलो नाम चुर्रा थियो, जुन ब्रिटिस शासकहरूले नामकरण गरेका थिए । ब्रिटिस शासनको पलायनपछि मेघालय राज्यले स्थानीय भाषाको पहिचान झल्किने गरी यस ठाउँको नाम चेरापुन्जी राखेको हो । यस क्षेत्रमा भारी वर्षाका कारण सिँचाइ सुविधाबाट कृषकहरू वञ्चित छन् । जमिनको माथिको मलिलो माटो वर्षाले बगाउने भएकाले वर्षौंदेखि मानिसहरू वन क्षेत्रमा बस्ने गर्छन् ।

चेरापुन्जीबाट १२ किलो दूरीमा रहेको थाङ्खराङ पार्क आकर्षक गन्तव्य हो । पार्क क्षेत्रको हरियाली, घुमाउरो तथा फराकिलो आकर्षक नदीको दृश्यले सबैको मन लोभ्याउने गर्छ । अर्कातिर यो ठाउँ सुन्तलाको बासना आउने, सुन्तलै रङको महका लागि प्रख्यात छ । यस्तै जनजातिका आकर्षक गरगहनाका लागि पनि प्रसिद्ध छ । निगालो, बाँस र काठका हस्तकलाका सामग्रीको लागि पनि यो ठाउँ उत्तिकै चिनिएको छ ।

सामान्यतः सेप्टेम्बर र अक्टोबर महिना चेरापुन्जी भ्रमण गर्न राम्रो मानिन्छ । अरू बेला गर्मीको समयमा जुनसुकै महिना पनि यस क्षेत्रको भ्रमणमा मानिसहरू जाने गर्छन् ।
-विभिन्न सञ्चारमाध्यमहरुको सहयोगमा

18 Places To Visit In Cherrapunji For Nature Lovers In 2021
Cherrapunji is noted for having one of the world's highest average annual  precipitation levels, about 450 inches (11,430 mm). In addition, it had the  greatest recorded total single-year rainfall, 1,042 inches (26,467

प्रतिक्रिया