टी-ट्वान्टी विश्वकपमा आयरल्यान्डको विजयी सुरुवात

काठमाडौं । आयरल्याण्डले आईसीसी टी-ट्वान्टी विश्वकप क्रिकेटमा विजयी सुरुआत गरेको छ । सोमबार भएको खेलमा नेदरल्यान्ड्सलाई ७ विकेटले पराजित गर्दै आयरल्याण्डले सुखद सुरुआत गरेको हो।

युएईको आबुधाबीमा नेदरल्यान्ड्सले दिएको १ सय ७ रनको लक्ष्य आयरल्याण्डले १५ ओभर १ बलमा ३ विकेट गुमाएर पूरा गर्यो । आयरल्याण्डको जितमा ग्यारेथ डेनिलीले ४४ रन बनाए । यस्तै पाउल स्ट्रर्लिङले ३० रन बनाए ।

नेदरल्यान्ड्सका फ्रेड क्लासेन, ब्राण्डन ग्लोभर र पिटर सिलारले एक एक विकेट लिए । यस अघि पहिले ब्याटिङ गरेको नेदरल्यान्ड्सले २० ओभरमा अलआउट हुँदै १ सय ६ रन बनाएको थियो ।