टाउकाको मूल्य ५० लाख डलर तोकिएका लागुऔषध तस्कर पक्राउ
नेपालखोज
२०७८ कार्तिक ७ गते १०:४०
बोगोटा । अमेरिकाले टाउकोको मूल्य ५० लाख डलर तोकेको लागुऔषध तस्कर कोलम्बियामा पक्राउ परेका छन् ।
ओटोनियल भनिने डेरो एन्टोनियो उसुगालाई शनिवार सेना, वायुसेना र प्रहरीको संयुक्त प्रयासमा गिरफ्तार गरिएको हो ।
पक्राउ परेका उसुगा कोलम्बियाको सबैभन्दा कुख्यात लागुऔषध तस्कर र सबैभन्दा ठूलो आपराधिक समूहका प्रमुख हुन् ।
कोलम्बियाका राष्ट्रपति इभान ड्यूकले एक टेलिभिजन सन्देशमा ओटोनियलको गिरफ्तारीबारे जानकारी दिएका हुन् । उनले भने, ‘हाम्रो देशमा यो शताब्दीमा लागुऔषध तस्करीविरुद्ध यो सबैभन्दा ठूलो सफलता हो ।’
सम्बन्धित
प्रतिक्रिया