मुख्य प्रशिक्षक अब्दुल्लाह अल्मुताइरी थप तीन वर्षे सम्झौता गर्न सहमत

काठमाडाैं । नेपाली फुटबल टिमका मुख्य प्रशिक्षक अब्दुल्लाह अल्मुताइरी थप तीन वर्षे सम्झौता गर्न सहमत भएका छन् ।

अखिल नेपाल फुटबल संघ (एन्फा)का अध्यक्ष कर्माछिरिङ शेर्पा र कतार फुटबल एशोसिएसनसँग भएको छलफलपछि अल्मुताइरी तीन वर्षे सम्झौताका लागि तयार भएकाे अलमुताइरीले सामाजिक सञ्जालमार्फत जानकारी दिएका छन् । 

उनले सामाजिक सञ्जाल फेसबुकमार्फत आगामी दुई वर्षको लक्ष्य र योजना छिट्टै सार्वजनिक गर्ने भन्दै ‘नेपाली फुटबललाई अर्को स्तरमा पुर्‍याउने मेरो बाचा छ, तर हामीलाई समय दिनुस् ।’ भनि लेखेका छन् ।