बिहीबार, चैत १५, २०८०

बस्न्यातको ‘मिलाउने दैव…’ (भिडियोसहित)

नेपालखोज २०७८ मंसिर १५ गते १३:३८

काठमाडौं । म्युजिक भिडियोबाट पनि सामाजिक कथा देखाउन सकिन्छ भनेर पछिल्लो समय कथा बुनेर म्युजिक भिडियो बनाउने चलन बढ्दो छ ।

यसैबीच निर्देशक राज बस्न्यातको निर्देशनमा ‘मिलाउने दैव’ बोलको गीत सार्वजनिक गरिएको छ । निर्देशक बस्न्यातले आधा दर्जनभन्दा बढी फिल्म निर्देशन गरिसकेका छन् ।

निशान भट्टराईको आवाज, तिलक भट्टराईको शब्द एवं वसन्त सापकोटाको संगीत रहेको गजल गीतको भिडियोले अहिले समाजमा देखिरहेको परिस्थितिलाई छर्लंग पारेको छ ।

गीतको भिडियोमा पनाह अधिकारी, तिलक भट्टराई, राज बस्न्यात, सुरज पोखरेललगायत कलाकारको अभिनय छ । गीतलाई वाईपी घिमिरेले छायांकन गरेका हुन् भने सम्पादन निर्देशक बस्न्यात स्वयंले गरेका छन् । भिडियोमा कलर भर्ने काम भने जोन तामाङले गरेका हुन् ।

प्रतिक्रिया