देशको उच्च पहाडी तथा हिमाली भू-भागमा हिमपातको सम्भावना, तराई क्षेत्रमा हुस्सु/कुहिरो

काठमाडाैं । हाल देशमा न्यून चापीय  प्रणालीको आंशिक प्रभाव रहेको जल तथा माैसम पूर्वानुमान महशाखाले जनाएकाे छ । अहिले पहाडी भू-भागहरूमा आंशिक बदली रही बाँकी भू-भागको मौसम सामान्यतया सफा रहेको छ ।

आज दिउँसो पहाडी भू-भागमा आंशिकदेखि सामान्य बदली रही बाँकी भू-भागमा आंशिक बदली रहने विभागले जनाएकाे छ । देशको उच्च पहाडी तथा हिमाली भू-भागका थोरै स्थानमा हल्का हिमपातको पनि सम्भावना रहेको महाशाखाले जनाएकाे छ ।

आज राति प्रदेश १, वाग्मती र गण्डकी प्रदेशको पहाडी भू-भागमा आंशिकदेखि सामान्य बदली रही बाँकी भू-भागमा आंशिक बदली रहनेछ भने प्रदेश १, वाग्मती प्रदेश तथा गण्डकी प्रदेशको उच्च पहाडी तथा हिमाली भू-भागका एक-दुई स्थानमा हल्का हिमपातको पनि सम्भावना रहेको जल तथा माैसम पूर्वानुमान महशाखाले जनाएकाे छ ।

तराईका भू-भागहरुमा बिहानको समयमा हुसु/कुहिरो लाग्नुका साथै देशभर चिसो बढ्ने क्रममा रहेकोले चिसोबाट बच्न आवश्यक सुरक्षा एवं सतर्कता अपनाउन तथा अद्यावधिक मौसमी बुलेटिन तथा सूचनाको जानकारी लिनसमेत महाशाखाले अनुरोध गरेकाे छ ।