हरपलको नयाँ ब्रान्ड ‘गुलाब बासमती’ चामल नेपाली बजारमा

काठमाडौं । हरपल चामलको नयाँ ब्राण्ड गुलाब बासमती चामल नेपाली बजारमा बिक्री वितरण सुरु भएको छ । बिगत १७ वर्षदेखि हरपल ब्राण्डलाई नेपाली बजारमा बिक्री वितरण गर्दै आएको हरपल फुड्सले चामल बजारमा ल्याएको हो । १ केजी, ५ केजी र १० केजीको प्याकमा गुलाब बासमती चामल नेपाली बजारमा उपलब्ध रहेको प्रवन्धक तारा मानधामीले जानकारी दिए ।

गुलाब बासमती चामल देशभरको बजारमा उपलब्ध भइसकेको धामीले बताए । भारत लगायत खाडी मुलुक र युरोपमा सर्वत्र उपलब्ध चामल नेपाली बजारमा लोकप्रिय हुनेमा कम्पनी बिश्वस्त रहेको धामीले बताए । हरपलले वर्षेनी नयाँ नयाँ ब्राण्ड थप्ने क्रममा यो वर्षदेखि गुलाब बासमतीको बिक्री सुरुवात गरेको हो । अँग्रेजी नयाँ वर्ष २०२२ देखि गुलाब बासमती चामल उपलब्ध गराइएको हरपल फुड्सले जनाएको छ । त्यस्तै कम्पनीले ग्यालेक्सी प्रिमियम बासमती राइस २० केजीको प्याकमा, ग्यालेक्सी जम्बो ११२१ बासमती राइस २० केजी, ५ केजी र १ केजीको प्याकमा र ग्यालेक्सी ब्राउन बासमती राइस १ केजीको प्याकमा बजारमा बिक्री वितरण गरिरहेको छ । त्यसैगरी कम्पनीले हरपल रिच राइस २० केजी र ५ केजीको प्याकमा बजारमा उपलब्ध गराइरहेको छ । मधुमेहका बिरामीलाई लक्षित गरेर हरपल उसिना चामल २० केजी र ५ केजीको प्याकमा उपलब्ध छ ।

हरपल पसन्द चामल स्टिम र बोइल गरेर २० र ५ केजीमा उपलब्ध छ । दीपम सोनम जिरा मसिनो चामल २५ केजीमा उपलब्ध छ । शुभ मालिका ब्राण्डको चामल पनि नेपाली बजारमा बिक्री वितरण गरिरहेको छ । यो चामल २५ केजीको प्याकमा उपलब्ध छ । स्पेसल बिर्यानीका लागि ग्यालेक्सी गोल्डेन सेला बासमती राइस पनि बजारमा उपलब्ध रहेको कम्पनीले जनाएको छ । त्यसैगरी वर्षेनी हरपल फुड्स प्रालिले आमउपभोक्ताहरुको आवश्यकता र रुचीलाई मध्यनजर गरेर नया नयाँ ब्राण्डहरु नेपालीहरुको बीचमा ल्याइरहेको धामीले जानकारी दिए । साथै बर्तमान अवस्थामा नेपालको आर्थिक अवस्थालाई मध्यनजर गरेर आमउपभोक्ताको रुची र आवश्यकतालाई मध्यनजर गर्दे होटल, होस्टेल, रेष्टुरेन्ट, थकाली भान्छाघर र क्याटरिङलाई ध्यान दिएर गुणस्तरयुक्त सहुलियत मूल्यमा गुलाब बासमती चामललाई नेपाली बजारमा ल्याइएको धामीले बताए ।