शकुनीका ३ खतरनाक चाल !

महाभारतको कथामा शकुनी मामालाई आफ्नो भ्रष्ट बुद्धिको लागि प्रसिद्ध मानिन्छ । छल र कुकर्ममा विज्ञ शकुनीले युद्धसम्म पाण्डवहरूको विनाशका लागि धेरै चालहरू खेले । भनिन्छ कि यी चालका कारण पाण्डवहरूको जीवनमा अशान्ति आयो र अन्ततः युद्ध भयो ।

जानौं शकुनी मामाको ३ खतरनाक चाल :

पहिलो चाल– एक योजना अन्तर्गत, दुष्ट दुर्योधनले शकुनी मामाको आदेशमा भीमलाई विष दिने योजना बनायो । गंगाको किनारमा रहेको प्रणमकोटी स्थानमा जलक्रीडा र उत्सवका लागि सबै जम्मा भएका थिए र दुर्योधनको योजनाअनुसार चुपचाप बसेर भीमको खानामा विष मिसाइएको थियो । त्यसपछि निर्दोष भीमलाई गंगाको उच्च किनारबाट पानीमा फालिन्छ । अरू पाण्डवहरूलाई पनि यो कुरा थाहा हुँदैन । भीमलाई उनका हजुरबुवा आर्यकले पानीमा वासुकी नागमा लगेका थिए । वासुकीले भीमलाई आफ्नो ज्ञानले पुनर्जीवित गर्छन् र हजारौं हात्तीहरूको बल (शक्ति)ले भरिदिन्छन् ।

२. दोस्रो चाल– शकुनीको योजनाअनुसार पाँच पाण्डवहरूलाई वरणवतमा पठाइन्छ, जहाँ लक्षगृहमा आगो लगाएर पाण्डवहरूलाई जिउँदै जलाउने योजना बनाइएको थियो । तर समय बित्दै जाँदा महात्मा विदुरले पाण्डवहरुलाई गोप्य सन्देश पठाए र शकुनीको चाल खुल्यो । त्यसपछि पाँच पाण्डवहरूले विदुरलाई विश्वास गरी सुरुङ खनेर त्यही सुरुङबाट लक्षगृहबाट निस्केर गंगापार जंगलमा गए । यहाँ हस्तिनापुरमा लक्षगृहको दुर्घटनामा पाण्डवको मृत्यु भएको खबर फैलियो । तर केही समयपछि विदुरजीले पाण्डवहरूलाई हस्तिनापुरमा ल्याए र त्यसपछि उनीहरूलाई इन्द्रप्रस्थ राज्य दिइयो ।

३. तेस्रो चाल– युधिष्ठिरले इन्द्रप्रस्थ राज्य पाएपछि आफ्नो राज्यको विस्तारको लागि राजसूय यज्ञ गरेका थिए । यस यज्ञका कारण उनको राज्य विस्तार भयो र शक्ति बढ्यो । यस बढ्दो शक्तिबाट चिन्तित भएर शकुनीले दुर्योधनसँग मिलेर छलको नयाँ योजना बनाए । उनले चौसर वा जुवा खेल आयोजना गरे । तर पाण्डवहरूलाई थाहा थिएन कि शकुनीको पासा उनको आदेशमा मात्र चल्छ । यस खेलमा पाण्डव र द्रौपदीको अपमान नै कुरुक्षेत्र युद्धको सबैभन्दा ठूलो कारण साबित भयो । यस हारपछि पाण्डवहरूले तेह्र वर्षसम्म वनवासमा बस्नुप¥यो, जसका कारण उनीहरूको जीवन परिवर्तन भयो ।