नेपालका लागि सर्वाधिक गोलकर्ता खड्का नक्कली प्रमाणपत्र प्रकरणमा दोषी

काठमाडौं । नेपाली राष्ट्रिय फुटबल टिमका पूर्वकप्तान हरि खड्का नक्कली प्रमाणपत्र प्रकरणमा दोषी ठहर भएका छन् । खड्काले नेपाल प्रहरीमा सेवा प्रवेशका लागि बुझाएको प्रमाणपत्र नक्कली रहेको बताइएको छ ।

उनको प्रमाणपत्र नक्कली भन्दै अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको थियो । विशेष अदालतका न्यायाधीशद्वय अब्दुल अजिज मुसलमान र नित्यानन्द पाण्डेयको संयुक्त इजलासले नक्कली प्रमाणपत्र प्रकरणका खड्कालाई दोषी ठहर गरेको हो ।

विशेषको फैसलाको थप विवरण आउन भने बाँकी छ । उनलाई ५ हजार रुपैयाँ जरिवानाको अदालतबाट आदेश भएको छ ।

खड्का नेपालका लोकप्रिय खेलाडी हुन् । उनले नेपालको लागि १३ गोल गरेका छन् । यो नेपालबाट अन्तर्राष्ट्रिय खेलमा गरेको सर्वाधिक गोल संख्या हो ।