शुक्रबार, जेठ ११, २०८१

सप्तरीमा स्थगित कांग्रेस जिल्ला अधिवेशन सुरु

नेपालखोज २०७८ फागुन २४ गते १४:४५


काठमाडौं । सप्तरीमा स्थगित भएको नेपाली कांग्रेसको नयाँ नेतृत्वका लागि जिल्ला अधिवेशन सुरु भएको छ । आज बिहानबाट मतदान सुरु भएको नेपाली कांग्रेसले जनाएको छ ।

सप्तरीको राजविराजस्थित पब्लिक माविमा नयाँ नेतृत्वका लागि मतदान सुरु भएको कांग्रेस नेता बद्री महत्मान यादवले जानकारी दिए । नयाँ नेतृत्वका लागि सभापति पदमा शत्रुधनप्रसाद यादव र रामदेव साहले उम्मेदवारी दिएको छ ।

यसअघि फागुन २१ गते रुपनी गाउँपालिका-५ स्थित गजेन्द्रनारायण सिंह औद्योगिक क्षेत्रमा तय गरिएको निर्वाचन स्थलमा एउटै व्यक्तिले पटक पटक मतदाताको सहयोगी बनेको भन्दै विवाद उत्पन्न भएर अधिवेशन स्थगित भएको थियो । निर्वाचन अधिकृत डा. रुद्र शर्माका अनुसार जिल्ला अधिवेशनका लागि कुल दुई हजार ५३५ मतदाता रहेका छन् ।

प्रतिक्रिया