थपिए ३२ संक्रमित, २३ जना डिस्चार्ज

काठमाडौं । नेपालमा गत चौबीस घण्टामा थप ३२ जनामा कोरोना भाइरस संक्रमण पुष्टि भएका छन् । स्वास्थ्य तथा जनसंख्या मन्त्रालयका अनुसार देशभरबाट थप १ हजार ५०४ जनाको पीसीआर विधिबाट परीक्षण गर्दा २९ जना र १ हजार ५९० जनाको एन्टिजेन विधिबाट परीषण गर्दा ३ जना गरी कुल ३२ जनामा संक्रमण पुष्टि भएको हो । नेपालमा हाल २१७ जना कोरोनाका सक्रिय संक्रमित रहेका छन् ।

त्यस्तै, गत चौबीस घण्टा थप २३ जना कोरोना संक्रमण मुक्त भइ डिस्चार्ज भएका छन् । योसँगै नेपालमा कोरोना संक्रमण मुक्त भइ डिस्चार्ज हुनेको कुल संख्या ९ लाख ६६ हजार ६९७ पुगेको छ । कोरोना निको हुनेदर ९८ दशमलव ८ प्रतिशत पुगेको छ ।

त्यस्तै, गत चौबीस घण्टामा देशभरबाट थप ९३ हजार ५४६ जनाले कोरोना भाइरसविरुद्धको खोप लगाएका छन् ।