स्थानीय तह निर्वाचन अन्तर्गत आज मतदान

काठमाडौं । स्थानीय तह निर्वाचन अन्तर्गत आज मतदान हुँदै छ । निर्वाचन आयोगले मतदानका लागि बिहान ७ बजेदेखि साँझ ५ बजेसम्मको समय निर्धारण गरेको छ ।
 
निर्वाचनमा देशभरबाट एक करोड ७७ लाख ३३ हजार ७२३ मतदाता रहेका छन् । जसमा ८७ लाख ४१ हजार ५३० महिला मतदाता छन् भने ८९ लाख ९२ हजार १० पुरुष र १८३ जना अन्य मतदाता छन् । मतदानका लागि देशभर १० हजार ७५६ मतदानस्थल र २१ हजार ९५५ वटा मतदान केन्द्र तोकिएको छ ।

निर्वाचनबाट ६ महानगरपालिका, ११ उपमहानगरपालिका, २७६ नगरपालिका तथा ४६० वटा गाउँपालिका र ६ हजार ७४३ वडामा गरी ३५ हजार २२१ जनप्रतिनिधि चुनिनेछन् । जसमध्ये  ३५५ जना पदाधिकारी निर्विरोध निर्वाचित भएका छन् । जसमा ६ वडा अध्यक्षसहित ३५ जना स्वतन्त्र सदस्यहरु समेत निर्विरोध निर्वाचित भएका छन् ।