ललितपुर-१ मा स्वतन्त्र उम्मेद्‌वार तण्डुकार विजयी

काठमाडाैं । ललितपुर महानगरपालिका वडा नम्बर १ को वडाध्यक्ष पदमा स्वतन्त्र उम्मेद्‌वार निर्मल तण्डुकारले ६६१ मत प्राप्त गरी विजयी भएका छन् । उनका निकटतम प्रतिस्पर्धी नेपाली कांग्रेसका ध्रुव तण्डुकारले ४२५ मत प्राप्त गरेका छन् ।

नगर प्रमुखमा कांग्रेसका चिरिबाबु महर्जन र उपप्रमुखमा नेकपा (एमाले) की उम्मेद्‌वार मञ्जली शाक्यको अग्रता कायम छ ।

कांग्रेसका उम्मेद्वार महर्जनले ८७७ र एमालेका हरिकृष्ण व्यञ्जनकारले ४०२ मत पाएका छन् । उपप्रमुखमा एमालेका शाक्यले ४४४ मत र नेकपा (माओवादी केन्द्र) का बाबुराजा वज्राचार्यले १८१ मत पाएका छन् । महानगरपालिकामा २९ वडा छन् ।