ओलीको गृहनगर दमकको मेयरमा कडा प्रतिस्पर्धा, एमालेभन्दा राप्रपा १५ मतले अगाडि

दमक । झापाको दमक नगरपालिकाको मेयरमा पछिल्लो मतपरिणामअनुसार राप्रपाका रामकुमार थापाले झिनो मतको अग्रता लिएका छन् । उनले १०,०६४ मत ल्याएका छन् । एमालेकी गिताकुमार पौडेल अधिकारीले १०,०४९ मत ल्याएकी छन् । राप्रपाका थापा एमालेकी गीताभन्दा १५ मतले मात्रै अगाडि छन् ।

यसैबीच उपमेयरमा एमालेका अम्बिकाप्रसाद खनालले नेपाली कांग्रेसकी रेगिना भट्टराईलाई उछिनेका छन् । एमालेका खनालले ९,८७४ मत ल्याएर अग्रता कायम गरेका छन् । कांग्रेसकी रेगिनाले ९,७२७ मत ल्याएकी छन् ।