ओलीको गृहनगर दमकको मेयरमा राप्रपाको १६,९६१ मत हुँदा एमालेको १६,४४२

दमक । दमक नगरपालिकाको मेयरमा राप्रपाका रामकुमार थापाले अग्रता कायमै राखेका छन् । उनले यो समाचार तयार पारुन्जेल १६,९६१ मत ल्याएका छन् । एमालेकी गीताकुमारी पौडेल अधिकारीले १६,४४२ मत ल्याएकी छन् । राप्रपाका थापा एमालेकी गीताभन्दा ५४५ मतले अगाडि छन् ।

संघीय लोकतान्त्रिक राष्ट्रिय मञ्चका थमबहादुर लिम्बूले २१५ मत ल्याएका छन् । जनता समाजवादी पार्टीका पवन विष्टले ४१ र मंगोल नेसनल अर्गनाइजेसनका दीपेशकुमार राईले ५२ मत प्राप्त गरेका छन् ।

यसैबीच उपमेयरमा नेपाली कांग्रेसकी रेगिना भट्टराई अगाडि छन् । उनले १६,४६१ ल्याएकी छन् । एमालेका अम्बिकाप्रसाद खनालले १६,०९४ मत ल्याएर दोस्रो स्थानमा छन । संघीय लोकतान्त्रिक मन्चका विष्णुमाया थापाले २४५ मत प्राप्त गरेकी छन् ।