बालेन कटाए ३७ हजार मत, स्थापितभन्दा सिंह अगाडि

काठमाडौं । पछिल्लो मत परिणामअनुसार काठमाडौं महानगरपालिकामा स्वतन्त्र उम्मेद्वार बालेन्द्र शाह (बालेन) ले ३७ हजार ६१ मत प्राप्त गरेका छन् । नेकपा एमालेका केशव स्थापित र नेपाली कांग्रेसकी सिर्जना सिंहले सुरुवातदेखि नै मतान्तर बढाउँदै लगेका बालेनलाई पछ्याउँदै छन् ।

केशव र सिर्जना दोस्रो हुनेमै संघर्षरत छन् । उनीहरुको अहिले ‘कठै’ को अवस्था बनेको छ । केशव र सिर्जनाको मत परिणाम कछुवाको गतिमा अघि बढिरहेको छ ।

पछिल्लो मत परिणामअनुसार स्थापितले २० हजार ३१६ मत प्राप्त गरेका छन् । यस्तै मेयरमा नेपाली कांग्रेसकी सिर्जना सिंहले २० हजार ५२० मत ल्याउँदै दास्रो स्थानमा उक्लिएकी छन् ।