‘जसले राष्ट्रि-यताको कम्मल ओढेर आधारातमा, राष्ट्रि-उताको घिउ एउटा पनि हजम गरेको छैन !’

सिटामोलको चक्कीमा कमिसनको खेती गरेर
जसले खल्ती एउटा पनि भरेको छैन !

जसको यती, ओम्नी, बतास या सतासमध्ये
एउटासँग पनि माल-अंकमाल परेको छैन !

अरुलाई गर्न सिकाउने कुरो त परै जाओस्
जसले आफूले नै भ्रष्टाचार गरेको छैन !

बनाएरै उद्घाटन त जसले पनि गर्छ दुनियाँमा
जसले नबनाईकन एउटा पनि उद्घाटन गरेको छैन !

जसले राष्ट्रि-यताको कम्मल ओढेर आधारातमा
राष्ट्रि-उताको घिउ एउटा पनि हजम गरेको छैन !

एक सिलिन्डर अक्सिजन नदिएर कोरोना कालमा जसले-
एउटा पनि बिरामीलाई मर्न मद्दत गरेको छैन !
भने
उसले राजनीतिमा आउन कसरी मिल्छ महोदय ? मिल्दैन !!