नागरिक लगानी कोषले घोराही सिमेन्टको सेयर प्रत्याभूति गर्ने

काठमाडौं । नागरिक लगानी कोषले घोराही सिमेन्ट इन्डस्ट्री लिमिटेडको साधारण सेयर प्रत्याभूति गर्ने भएको छ ।

सेयर प्रत्याभूतिकर्तासम्बन्धी सम्झौतामा आइतबार कोषका कार्यकारी निर्देशक रमण नेपाल र घोराही सिमेन्टका तर्फबाट सञ्चालक आदित्य संघाईले हस्ताक्षर गरेका छन् ।

घोराही सिमेन्टले ७९ लाख ४३ हजार आठ सय एक कित्ता सेयरको परल मूल्यमा एक सय रुपैयाँमा प्रिमियमबापत तीन सय ३५ रुपैयाँ थप गरी प्रतिकित्ता चार सय ३५ रुपैयाँका दरले तीन अर्ब ४५ करोड ५५ लाख ५३ हजार चार सय पैंतीस रुपैयाँको सेयरको प्रत्याभूति हुनेछ ।