चौबीस घण्टामा ७६० जनामा कोरोना संक्रमण

काठमाडौं । नेपालमा गत चौबीस घण्टामा जम्मा ७६० जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरबाट २ हजार ५८९ जनाको पीसीआर विधिबाट परीक्षण गर्दा ४९४ जनामा संक्रमण पुष्टि भएको छ ।

यस्तै ३ हजार ३३७ जनाको एन्टीजेन विधिबाट परीक्षण गर्दा २६६ जनामा कोरोना संक्रमण देखिएको छ । नेपालमा हाल ५ हजार ६०२ जना सक्रिय संक्रमित छन् ।

त्यस्तै, गत चौबीस घण्टामा थप ३२४ जना कोरोना भाइरस संक्रमण मुक्त भई डिस्चार्ज भएका छन् । योसँगै नेपालमा कोरोना संक्रमण मुक्त भई डिस्चार्ज हुनेको संख्या ९ लाख ७१ हजार २५० जना पुगेको मन्त्रालयले जनाएको छ । नेपालमा संक्रमण मुक्त हुनेदर ९८ दशमलव ३ प्रतिशत छ ।

त्यस्तै, कोरोना लागेर १ जनाको मृत्यु भएको छ ।