एसिया कप टी-ट्वान्टी : बंगलादेशमाथि अफगानिस्तानको सानदार जित

काठमाडाैं । एसिया कप टी-ट्वान्टी क्रिकेटमा अफगानिस्तान सुपर फोरमा प्रवेश गरेको छ । समूह बीमा रहेको अफगानिस्तान लगातार दुई खेल खेल्दै सुपर फोरमा प्रवेश गर्ने पहिलो टिम बनेको हो ।

पहिलो खेलमा श्रीलंकालाई पराजित गरेको अफगानिस्तानले दोस्रो खेलमा पछिल्लो संस्करणको उप-विजेता बंगलादेशमाथि ७ विकेटको जित दर्ता गरेको हो ।

बंगलादेशले दिएको १२८ रनको लक्ष्य अफगानिस्तानले ३ विकेट गुमाएर पूरा गरेको थियो । पहिला ब्याटिङ गरेको बंगलादेशले ७ विकेट गुमाएर १२७ रन बनाएको थियो ।