पूर्व सोभियत राष्ट्रपति गोर्बाचेभको निधनप्रति प्रधानमन्त्री मोदीद्वारा शोक व्यक्त

नयाँदिल्ली । प्रधानमन्त्री नरेन्द्र मोदीले बिहीबार पूर्व सोभियत राष्ट्रपति मिखाइल गोर्बाचेभको निधनमा शोक व्यक्त गरेका छन । भारतसँगको सम्बन्धलाई बलियो बनाउनको लागि उनको योगदानलाई मोदी सम्झना गरेका छन् ।

‘मिखाइलको परिवार र साथीहरुप्रति गहिरो समवेदना व्यक्त गर्दछु, २० औं शताब्दीका प्रमुख राजनेताहरू मध्ये एक, भारतसँगको सम्बन्धलाई सुदृढ पार्नको लागि उनको योगदानलाई सम्झन्छौं र कदर गर्छौं ’ प्रधानमन्त्री मोदीले ट्वीट गरेका छन् ।

लामो समय बिरामी परेपछि स्थानीय समयानुसार गत मङ्गलबार साँझ ९१ वर्षको उमेरमा गोर्बाचेभको निधन भएको हो । यसअघि रुसी राष्ट्रपति भ्लादिमिर पुटिन, बेलायतका निवर्तमान प्रधानमन्त्री बोरिस जोन्सन र युरोपेली आयोगका अध्यक्ष उर्सुला भोन डर लेयनले पनि गोर्बाचेभको निधनमा शोक व्यक्त गरेका थिए ।

अस्पताललाई उद्धृत गर्दै स्पुतनिक न्युज एजेन्सीले गम्भीर र लामो रोगपछि उनको निधन भएको जनाएको छ ।’मिखाइल सर्गेभिच गोर्बाचेभको आज साँझ गम्भीर र लामो रोगपछि मृत्यु भयो,’ एजेन्सीले केन्द्रीय क्लिनिकल अस्पताललाई उद्धृत गर्दै मङ्गलबार जानकारी दिएको थियो ।

मिखाइल गोर्बाचेभ युनाइटेड युनियन अफ सोभियत समाजवादी गणतन्त्र (युएसएसआर) का अन्तिम नेता रहेका थिए । उनी एक युवा र गतिशील सोभियत नेता थिए । नागरिकहरूलाई केही स्वतन्त्रता दिएर लोकतान्त्रिक सिद्धान्तहरूको रेखामा कम्युनिष्ट शासन सुधार गर्ने उनको चाहाना रहेको थियो । रासस