‘तोसिमा कार्कीलाई घण्टी लिएर प्रचारप्रसार नगर्न भनेर आयाेगले भनेकाे छैन’

काठमाडाैं । निर्वाचन आयोगले प्रतिनिधिसभा सदस्य उम्मेद्वार तोसिमा कार्कीलाई घण्टी लिएर प्रचारप्रसार नगर्न भनेर निर्देशन नदिएको स्पष्टीकरण दिएको छ ।

ध्वनी प्रदूषण भइरहेकाले राष्ट्रिय स्वतन्त्र पार्टीकी उम्मेद्वार कार्कीलाई घण्टी लिएर प्रचार नगर्न भनी आयोगले निर्देशन दिएको व्यहोरासहितको समाचार मिडियामा आएपछि आयोगले स्पष्टीकरण दिएको हो । 

आयोगले भनेको छ, ‘प्रतिनिधिसभा सदस्य उम्मेद्वार तोसिमा कार्कीलाई घण्टी लिएर प्रचारप्रसार नगर्न निर्वाचन आयोगले कुनै पनि निर्देशन नदिएको प्रस्ट पारिन्छ ।’