एक लाख भन्दा बढि रूसी सैनिक मारिए

काठमाडौं । रुसले युद्धको सुरुमा आफ्नो कब्जामा लिएको दक्षिणी युक्रेनको क्षेत्रीय राजधानी खेरसोनबाट फिर्ता भएको घोषणा गरेको छ । अमेरिकी सेनाका जनरल मार्क मिलेले भनेका छन्- यो कदमले दुबै देशका लागि शान्ति वार्ताको अवसर प्रदान गर्न सक्छ। युद्धमा ४०,००० युक्रेनी नागरिक तथा १,००००० रुसी सैनिकहरू मारिएका वा घाइते भएका छन ।

युक्रेनका राष्ट्रपति भोलोडिमिर जेलेन्स्कीले युद्ध अन्त्य गर्न रुससँग शान्ति वार्ताका लागि खुला रहेको बताएका छन तर उनको सर्त छ- रुसले कब्जामा गरेको युक्रेनको सबै भूभाग फिर्ता गर्नुपर्छ । यसैगरी उनले युद्धमा भएको क्षतिको क्षतिपूर्ति उपलब्ध गराउने र युद्ध अपराधको अभियोगको सामना गर्ने शर्त पनि अघिसारेका छन ।

अर्कोतर्फ रुसले वार्ताका लागि खुला रहेको बताएको छ र यसै साता खेरसनबाट फिर्ता हुन थालेको घोषणा गरेको छ । जेलेन्स्कीले चेतावनी दिदै भनेका छन्- रुसीहरूले क्रिमियन प्रायद्वीपको प्रवेशद्वार रणनीतिक औद्योगिक बन्दरगाह सहरमा युक्रेनी सेनालाई प्रलोभन दिन खेरसानबाट पछि हट्ने नाटक गरिरहेका छन्।

अमेरिकी सेनाका उच्च अधिकारी मिलीले रुसले खेरसनमा २०,००० देखि ३०,००० सेना जम्मा गरेको र पूर्ण फिर्ता हुन केही हप्ता लाग्न सक्ने बताए । त्यहाँक‍ो प्रारम्भिक संकेतले के भन्छ भने रुस बास्तबमै खेरसानबाट फिर्ता भैरहेको छ । मलाई विश्वास छ कि उनीहरूले (निपर) नदीको दक्षिणमा रक्षात्मक लाइनहरू पुनस् स्थापित गर्न खोजिरहेका छन्, उनले भने ।

जनरल मार्क मिले भन्छन- यो सम्भव छ कि रुसीहरूले वसन्त आक्रमणको लागि आफ्नो सेनालाई रिसेट गर्न रिट्रीट प्रयोग गर्नेछन्, तर त्यहाँ पक्कै पनि संवादको लागि एउटा झ्याल खुला छ । मिलेले पहिलो विश्वयुद्धको अन्त्यलाई उद्धृत गर्दै भनेका छन- वार्ताको अबसर जुटाउन रसिया र युक्रेन दुवै कुन मान्यतामा पुगसहमत हुनुपर्नेछ भने- सैन्य विजय सम्भवतः सैन्य माध्यमबाट प्राप्त गर्न सकिँदैनू र त्यसैले समयअनुसार अन्य बाटोतर्फ पनि लाग्नुपर्छ।