सबैभन्दा महँगो विश्वकप

काठमाडौं । फिफा फुटबल विश्वकप हरेक ४ वर्षमा हुँदै आएको छ र प्रत्येक विश्वकपका अनेकौं रोचक तथ्यहरू छन्। आज कतार विश्वकप सम्बन्धि अचम्मका तथ्यहरु जुन तपाईलाई छक्क पार्न पर्याप्त छ।

महँगो विश्वकप : यो विश्वको सबैभन्दा महँगो विश्वकप हुनेछ। युरोप र अमेरिकामा विश्वकप आयोजना गर्न पर्याप्त पूर्वाधार छ । कतारमा बनाउनुपर्ने थियो । यस कारणले यो प्रतियोगिता (२२० बिलियन डलर) फिफाको सबैभन्दा महँगो प्रतियोगिता हुनेछ। रुसमा सन् २०१८ मा भएको फिफा विश्वकपमा १५ अर्ब डलर मात्र खर्च भएको थियो ।
अरब राष्ट्रमा पहिलो विश्वकप : कतार फिफा विश्वकपको बिडिङ प्रक्रिया जिते लगत्तै कीर्तिमान बुकमा प्रवेश गरेको थियो । कतार फिफा विश्वकप आयोजना गर्ने पहिलो मुस्लिम राष्ट्र हो ।

कतार दोस्रो एसियाली राष्ट्र : फुटबल युरोप र दक्षिण अमेरिकी देशहरूमा सर्वाधिक लोकप्रिय छ। सन् २००२ मा जापान र दक्षिण कोरियाले संयुक्त रूपमा एसियामा पहिलो पटक फिफा विश्वकपको आयोजना गरेका थिए । अहिले कतार विश्वकपको आयोजना गर्ने दोस्रो एशियाली मुलुक भएको छ ।

कतारले अहिलेसम्म विश्वकप खेलेको छैन : फुटबल संघ ( फिफा ) को स्थापना १९६० मा भएको थियो। कतार सन् १९६३ मा फिफाको सदस्य बनेको थियो । कतार सन् १९९० मा छनोटको नजिक पुगेको थियो तर असफल भयो । यसपटक उ आयोजकको भूमिकामा छ र त्यस नाताले सोझै विश्वकप खेल्दै छ ।

कतार सबैभन्दा सानो देश : कतार ११ हजार वर्ग किलोमिटरको सानो देश हो र यहाँको जनसंख्या २६ लाख मात्र छ । यसअघि ३५ लाख जनसंख्या भएको उरुग्वेले फिफा विश्वकपको आयोजना गरेको थियो ।
स्टेडियमको न्यूनतम संख्या : कतारले विश्वकपका ६४ खेलका लागि ७ नयाँ रंगशाला निर्माण गरेको छ भने १ वटाको रंगशाला मर्मतसम्भार गरेको छ । योसँगै कतारले सबैभन्दा कम स्टेडियममा फिफा कप आयोजना गर्ने कीर्तिमान बनाएको छ ।

सबैभन्दा नजिकका रंगशाला : फिफा विश्व कप कतारका सबै ८ वटा स्टेडियम ६० किलोमिटर भित्रै छन् जसले यसलाई सबैभन्दा कम्प्याक्ट विश्वकप बनाएको छ । कतारमा दर्सकहरू ५० मिनेटमै एक स्टेडियमबाट अर्को स्टेडियममा पुग्न सक्छन् । यो प्रतियोगिता २८ दिन बीच आयोजित हुनेछ।

१५ लाख पाहुना दर्शक : फिफा कपमा विश्वभरबाट १५ लाखभन्दा बढी दर्शक कतार पुग्दैछन् । कतारको भौगोलिक स्थान धेरै देशहरूको लागि धेरै पहुँचयोग्य छ भने भिसा पनि सजिलै उपलब्ध हुन्छ ।

मध्यपूर्व र युरोप बीचको दूरी हराउनेछ : कतार विश्वकपमा १३ युरोपेली टिमको सहभागिता रछ । यसले मध्यपूर्व र युरोपबीचको सांस्कृतिक खाडललाई कम गर्ने अपेक्षा गरिएको छ। फिफा र कतार दुवै सकारात्मक नतिजाको आशामा छन्।

महारानी एलिजाबेथ द्वितीय बिनाको पहिलो विश्वकप : विश्वकप सन् १९३० मा सुरु भएको थियो । इङ्गल्याण्डकी स्वर्गीय महारानी एलिजाबेथ द्वितीय यसको ठूलो प्रशंसक थिइन्। उनी दर्शकका रुपमा धेरै विश्वकपमा पुगिसकेकी छिन् । यसपटकको विश्वकप उनीविना हुनेछ ।

हिउँदमा हुने पहिलो विश्वकप : अहिलेसम्म विश्वकप मे–जुलाई मात्र हुने गरेको छ । कतारमा यो अवधिमा तापक्रम ४० देखि ५० डिग्रीको बीचमा रहन्छ। खेलाडीको खेल अवस्था सुधार गर्न यसपटक विश्वकप नोभेम्बर – डिसेम्बरमा सारिएको छ । यो परिवर्तनसँगै कतारले हिउँदमा हुने पहिलो फिफा विश्वकप आयोजना गर्ने किर्तिमान बनाएको छ ।